歌創SQ11
今年比去年多了幾首入圍作品，曲式亦比較多元化，好事! 自己喜歡既作品遲d先講，依家就post住今晚表演嘉賓Ivana同張敬軒既表演。佢地d live 正!!!! 不過因為坐得比較遠，所以視像質素唔太好，但都值得聽聽。最開心係等到聽佢地唱手望合唱版，太美妙了，仲好聽過studio version.....
My Way + Hurt So Bad + 雷電 + 手望
http://www.badongo.com/vid/126901
hectic week
o岩o岩過jor既禮拜，兩個字 -- 超趕。
黎緊呢個禮拜有大型conference，但點解d人次次俾親data我都咁last minute? data monitoring last minute, data analysis last minute, slides preparation last minute? 於是日日不停咁衝呀衝呀，對部電腦對到眼鯨鯨。-_____-
結果星期五我係全公司最遲一個走，真係第一次。
夜晚又出去同o係香港返黎既中學同學聚舊。一年多冇見，有好多野想分享，但時間有限，睇幾時佢得閒再約出黎。
返到屋企已經好累好累，話咁快就訓著。
星期六早上如常我同heyman去exercise，終於去游番水。一定係太太太耐冇游(都只不過係一個月)，游jor二百米就.....冇氣。好懶咁去wave pool玩，再o係wirlpool浸jor足足半個鐘，完全sarp熟晒，haha。
本來要快d返屋企趕埋公司d野，但都係要俾自己透下。唔理咁多，去jor睇The Da Vinci Code。我冇睇過本書就入場，只係之前用jor幾分鐘明解jor個故事大綱，死就死，到時明得幾多就幾多。嘩嘩嘩，十分正，劇情雖不至緊湊到令人完全透不過氣來，但每個情節都好重要，絕對要打醒十二分精神咁留意住。真係好鍾意個故事既舖排，一個又一個既推理，搵線索，推理，再搵線索，好多意想不到既事。我諗我會去買番本書黎睇，應該仲正。
返家，快快聽菇仔新碟。本來已經好眼訓，但唔理，睇埋花見七九八同製作花絮，阿菇仔你可唔可以唔好咁低b????? 連媽子睇o個時都笑佢好得意。
呀，咪以為我懶，我一路聽碟一路做埋公司d野。搞掂，send jor俾老細，可以覺覺豬。
btw, 今日我已經忍唔住，買jor本The Da Vinci Code la...... 慢慢睇。
夢想成真
10月頭返香港, yeah!!!!!!!!!!
最開心既係9月中我最最最最friend過打band既表姐過黎玩，有可能同佢去東岸玩一個禮拜，之後一齊搭飛機返香港，之後一齊去紅館睇演唱會，諗起都興奮!!!!!
聽日可唔可以係九月一號ah??? haha。
my darling is ....
如果你打令係外國人，o係文化習俗既差異上你必定會遇上好多非你預料之內既事情....
尋日我又發書狂，竟然俾我見到呢本中文翻譯既"my darling is ambidextrous"!!!! 當初見日文版已經想買，奈何我既日文有限公司，嘩依家有得睇真係超讚~~~~!!!!!
或者因為我熱衷日本文化習俗，兼o係加拿大大大話話都over十年，對西方人既生活習慣有深一層既認識，所以睇呢本漫畫既時侯就更有共鳴同趣味性。(我一路睇，一路笑得好大聲, ahahahahahahaha!!!!!!)
個book cover夠抵死la......日本打令女食西方意大利麵，外國打令仔食東方米飯，好一個crossover。(btw, 達令=darling，我鍾意叫打令多d。)
我誠意推介!!!
