Anyone at all but Fish

the wrong tenant in the wrong house

上星期六飲茶，抱auntie既孫仔睇魚魚既時侯...見到..

點解可以有隻蝦同皇帝蟹共處一缸??
蝦仔真可憐....

posted by littlefish @ 7:23 PM 0 comments

hide-and-seek

posted by littlefish @ 9:35 PM 3 comments

誰是三警槍殺案最大的受害者?

尖沙咀三警槍殺案，這幾天報章傳媒大篇幅報導。案情逐漸變得明朗化，我們看到徐步高的兇悍，曾國恆的捨身捍衛，冼家強的英勇。冼家強大難不死，令人感到安慰; 曾國恆的犧牲，讓人憤怒惋惜。但徐步高被擊斃，我想有很多人會認為他罪有應得。

再看兩位軍裝警員的家屬，他們是受害者，這個當然沒錯。大眾的同情目光卻可有放在徐步高的妻子身上? 殺人犯最親的人一直被蒙在鼓裡，到真相揭發之時要她一人獨力承擔所有壓力，其實是可其殘忍? 她有錯嗎? 為何一個人的錯要另一個人去承受外間的指責?

最大的受害者，大家可有想到徐步高的女兒? 小女孩還不知道爸爸往了哪裡，母親瞞著她可以瞞得多久? 小女孩眼中的好爸爸竟然是殺人犯? 往後的日子要在單親環境中成長，路已經難行，還要一世背著那對是非好壞的初嚐理解，曾被破碎得體無完膚的惡夢。但願同校的家長們還理智的不會跟子女說要梳離徐步高的女兒，大眾不會以歧視的眼光看待徐家的親友。

上一代的錯，不該由下一代去作出償還。

事件真相大白後，就應畫上句號。讓死去的安息吧。

希望冼家強早點康復。

posted by littlefish @ 7:13 AM 2 comments

超現代測試bb性別方法

a boy or a girl?

老人家會話如果個肚係尖既就係男仔，圓dum dum既就係女仔。

唔迷信既你可以買呢兩個生草bb試下。

一男一女，睇下邊個d頭髮(草!!)長得快d就邊個性別la....

到長滿頭髮既時侯更加可以當髮型師，過下手癮咁。



我同事睇黎似生仔wor....

五月將會揭盅。

posted by littlefish @ 7:06 PM 1 comments

終於看了

斷背山。

我看，不是因為人人都說這套電影很棒，不是因為它橫掃hollywood影壇各個獎項。

我想看的是李安怎樣拍這個題材的電影，如何引導兩個男主角演繹小說中六十年代世俗所不容的同性戀者。

看過了，心裡卻產生一些疑團。不知道怎樣形容那疑團是甚麼。或許我不太懂欣賞電影，我覺得我還是不完全理解李安拍此片所想表達的訊息和情感。

沒關係，就當它為我看過的電影清單中新增的一部吧。

不過我想說，斷背是斷背，同性戀是同性戀。

香港人總喜歡創作新名詞，以為很潮吧?!

不論你接受抑或反對同性戀，這樣用"斷背"二詞，不尊重同性戀之餘，更加是不尊重李安的心血。

posted by littlefish @ 6:28 PM 0 comments

雪中花見

當每一年如常過渡的時侯，往往會忽略身邊既大自然正在每日轉變....
直至聽到"花見"第二天，我先發覺cherry blossoms已經開jor la...
如今三月vancouver竟然落下雪來，奇怪ha....
今日早d出門口，黎個雪中花見。

posted by littlefish @ 7:31 AM 0 comments

western kowloon king?!

尋日收到結他老師Jacob幫我錄既CD ....

嘩! 驟眼一看，隻CD面發生咩事???!!!

令我突然諗起香港既九龍皇帝曾灶財....密麻麻，密麻麻，密麻麻..... d字 ~~

望多幾眼又幾型喎.... d字出黎個design ~~

之但係入jor隻碟落部機度，又點知邊track打邊track呢，haha

講番正經，入選既曲目你識得幾多? 錄呢隻CD係for educational purpose，之後我會逐首學彈。

Led Zeppelin既 Stairway to Heaven真係一d都唔容易彈。我好唔怕悶咁彈彈彈彈，彈足幾個禮拜，終於有d眉目la....開心死我。所以話，隨jor要有興趣之外，仲要唔怕悶，仲有唔好怕痛(d手指頭arrrrr....痛到冇乜知覺)，咁不停咁練就會有成功既一日。

依家又開始練Beatles既Norwegian Wood.... need to work hard ah ~~

posted by littlefish @ 8:36 PM 0 comments

pandasssssssssss

16 pandas born in mainland china in year 2005, so cute~~~

posted by littlefish @ 4:41 PM 0 comments

花見

各位speakers on!!!

真係爽! 等jor N世終於plug快歌! 多謝carl叔叔!!!!

花見，並非中文詞語，而是日語漢字，意指賞花。三月派台，時間岩岩好。wyman就是如此擅於打比喻，表面說賞花，內裡實際在說何C就是主角花兒。大家慢慢咀嚼歌詞laaaaa.....

-----------------------

花見 hocc
作曲/編曲:王雙駿 for double c music group
填詞:黃偉文
監製:王雙駿 for double c music group +hocc@goomusic

都坐低了嗎
都坐好了嗎
都坐穩了嗎
都霸好了一個位吧
長埋地下未見光的腰伸了一下

感覺到了嗎
感應到了嗎
感染到你嗎
可覺得你雙腳之下
搖搖動動岩層裂開釋出了煙霞

*其實這幕我在部署真的已久等得也很夠
我知我等到花季 只要等到花季
后冠即將到手
每夜我亦夢見終於破土慢慢步上枝頭
卻蟄伏地下悶了太久 *

#就算是一生一次花見總算給我一個等的理由
紅粉菲菲要風雪造就
若往日春分秋至給我滋養今晚准我秀一秀
奇葩將出世誰亦要仰首 #

天氣好了嗎
風向改了嗎
積雪減了嗎
這個恐怕不見得吧
園林陷落但我基因總可以優化

栽了一世花
開了一晚花
賞了一秒花
都算一個好結果吧
昂然劃下長留歷史的一剎芳華
repeat * #

最後怎麼這麼快就講最後
以後幾多節枝與葉仍遺漏
宇宙千瘡百孔我造新宇宙
雪已那樣厚 花季將至不要走

repeat#

都坐低了嗎
都坐好了嗎
都坐穩了嗎
都霸好了一個位吧
龐然大物就破土了請尖叫一下
都看到了嗎
都看清了嗎
都看真了嗎
花與飛舞覆蓋天下
昂然劃下長留歷史的一剎芳華

posted by littlefish @ 6:09 PM 0 comments

life continues

每次拿起Eason隻新EP，見到小康堤既笑臉，我都很開懷地笑。她的笑容會傳染架!! 再看真一點，就越覺得Eason喪笑時既樣子正正是這樣。小康堤是Eason爸爸生命既延續。封面很是溫馨，起初我懷疑他用女兒作封面原因何在。但當聽過裡面既歌之後，我相信我明白了為甚麼。

我很喜愛專輯裡探討既題材。跟上次U87"浮誇"唱反調既"低調"，低調唔一定要細細聲，佢闊佬懶理唔鍾意成為焦點，跳皮咁唱出黎個感覺一樣得。人車誌道出大男孩與車那種分割不開既微妙關係; 暴殄天物講中時下人們對資源既態度。呢三首快歌，頭幾次聽唔會一click即中地愛上，但越聽越有味。我覺得，Eason係主流歌手裡面難得同曉得玩真音樂既。non-K佢得，呢幾首快歌話你知佢有幾多料。碟裡頭其他作品比較容易上口，最佳損友講朋友，大得太快講個女，落花流水講世情。慢歌唔需要蕩氣迴腸，Eason淡淡然既唱腔都一樣吸引到你。大得太快既電子結他，就算編曲簡單，歌詞只有幾句在repeat，但都表達到對小康堤既著意。

我欣賞呢隻碟既其中一個原因係因為wyman既詞。當街外既歌都寫愛情，愛情再愛情既時侯，一d non-k既題材會變得相當吸引。當然呀Wy既功力大家有目共睹，但都要睇同邊個歌手合作。Eason + Wyman, HOCC + Wyman，呢兩個組合往往出現令人拍案叫絕既合作火花。

真係好耐都未試過坐低寫我對一隻專輯既感受，或者現今既樂壇太多K歌，人人都play safe，唱片曲式歌路已經越來越冇新意。今次life continues總算俾我一點點驚喜。我期待下次何菇出EP時寫我既感受。兩個我喜愛既，會嘗試冒險踩鋼線既歌手，有你地既一日，樂壇還有希望的。

posted by littlefish @ 7:19 PM 1 comments