賀賀賀賀.... horhorhorhor....
Friday去jor 睇基仔演唱會.... 之前有friend借佢香港演唱會dvd俾我，但我就特登唔睇住，留番親身去感受。坐山頂ja, 但都好ok呀，唱live正，現場氣氛好好，唯獨係個台太細，不過聽歌都夠啦。其實好miss佢以前既歌，好有古巨基style，但近呢年既略嫌太過K歌，係咪K歌先至hit得起? 只有K歌先可以keep住人氣呢？ 
今日有兩件事要賀下佢......第一：今日係表表牛一!!!! 生日快上呀!!!! Leon叫我同你講聲happy birthday喎，仲有d情深說話未曾講添，遲d佢會call你ga laaaaaaaa.... hahaha!!!!
第二：剛剛菇校過jor 3000學生大關，估唔到菇爹開金口，俾佢笑死 XDDDDDDDDDD......
恭喜、賀喜：
何菇校長榮升為.....................何夫子！！！
何解？
孔夫子學生三千，如今何校長也收納菇學生三千隻。
不過：
與何菇爹相比之下，還差一段距離。
事關：
何菇爹總校監手下的學生 登、登、登、登、、、、、、四千
但系：
何菇校長有的是時間，青春及美色，而何菇爹總校監老了，無能為也已
何菇校長一定要努力，再加努力！衝！衝！衝！
儒子可教也.........
妳最親愛，有型有款的..........................老爹敬勉之
啊彌陀佛
善哉！善哉！
吹完
唔通菇爹除jor教art之外，仲有教中文?? 有個咁幽默又同學生打成一片既先生一定正死! horhorhor, 佢係繼Mrs. Choi之後另一個我崇拜既美術國文先生!!! 講真個句，每一次見到菇母菇爹我都覺得佢地一家人好sweet，有個咁無限量支持個女既爸媽係何等幸福既事!! 所以要識得珍惜呀！我都好多謝魚爹魚媽一樣咁支持我! Love u always ~~~
我要戰勝barred chords!!
話咁快guitar lessons 上jor十個禮拜，講真，俾錢學真係值架，因為有好多野係自學唔到。一直都搞唔點d barred chords，只係彈到A string 既 barred chords，E strings 既就好勉強，彈到手指好痛但都禁唔實，仲要我o個個係acoustic guitar!! Jacob話佢都用多過半年時間征服barred chords，咁我急黎都冇用laaaaa..... 唯一可以做既就係practise 再practise 再practise, hahaaaaaaaa.... 今個week Jacob 仲要我用barred chords play chord progression, ack! 不得不佩服ellen 同妹仔，次次見到佢地玩acoustic 我都O 晒咀，太勁laaaaaaa........
遲兩日去睇基仔concert!! 我諗如果年頭我o係香港都一樣買唔到飛，所以今次當然唔會錯過呢個機會啦。(期待中....) 我真衰，唔捨得睇最貴既(成千蚊港紙呀!)，不過我竟然完全唔吝嗇咁買涼粥紀念品.... 等緊wendy寄番黎 (另一個期待中).... horhorhor...
theremin..... 一件不用彈，吹，或拉的樂器
講番上次未講既樂器先....... 就係theremin喇，唔知你地對呢樣instrument有冇認識呢? 或者係我孤陋寡聞，我第一次聽ja.... 但之後發覺原來唔少流行曲都用到佢o係編曲方面，電影亦有用theremin o黎produce sound effect....
The Thereminvox or Theremin was the first electronic musical instrument... Consisting of a box with two radio antennae, the Theremin was unique in that it required no physical contact in order to produce music; instead, a performer could control both the pitch and volume of the sound simply by moving his or her hands in the air. More info at http://www.thereminvox.com/article/articleview/96/1/24/
不過我唔知o係首歌(涼粥track04)度邊個位用jor theremin..... 你地知道話我知吖, thankssssssss!
查實李敦豪識既樂器名單有幾長??? guitar, keyboard, piano, accordion, theremin, vocorder....(complete list有待發掘) 佢次次都帶俾我地驚喜架喎! 要多謝佢拓寬我地音樂既知識ah...... =)
K is the best??
唔知大家聽歌個陣會唔會留意編曲用jor咩野樂器架呢? 科技進步，好多樂器聲早就可以用電腦整出黎。有人話，與其花錢請musicians伴奏，倒不如用電腦搞點，橫豎普遍樂迷都分唔出有乜分別，什至唔多理編曲是甚麼一回事。我問你，一個親手整既生日蛋糕定係係街買既好食d呀? 一件親手織既冷衫定係係百貨公司買既冷衫暖d呀? 好唔好食，暖唔暖多半在於親手造出黎個份誠意。同一個道理，放係音樂上面，點解講唔通??? 只不過有心做音樂既人冇咁好運，有幾多人會留意到?睇下依家香港樂壇，K歌大行其道，melody K, 歌詞K, 編曲K --- 概括咁講即係首歌易上口，容易唱，歌詞講中都市人心態同經歷(大部份都關於愛情)。唱片公司只向數字看，K歌自不然成為佢地既寵兒，plug K歌啦，實hit，冇錯架喇! K歌唔一定唔好，只係香港既音樂市場因為太多K歌而變得越來越細，市場容納到既音樂空間越來越窄，樂迷既音樂鑑賞能力越來越低..... non-K歌因為唔易上口唔易唱所以就認為唔好聽?? 以前我都冇咁pay attention to每首歌既幕後製作班底，呢幾年唔同jor睇法，會留意production team同music arrangement..... 見到妹仔一直好努力咁做音樂，同K歌背道而馳，但就得唔到大眾既認同。無奈?? 我地呢d高腰Q架嘛.... 總之我地同姐仔撐你就夠啦! 今日認識jor一件新既樂器.....李敦豪又塞錢入我地袋啦，多謝你呢個精通十萬樣樂器既多功能音樂婦女, kakakaka!!!! 搵日同大家講下係乜樂器.......
下個密碼會是......
有一首歌同大家分享下.... 幾得意既，皆因有兩個版本，一個正常版，一個貓版(不妨scroll down到呢個page最落，兩個都試聽下)。後者既所謂歌詞.... geelee-gooloo-gutgut-guenguen-billbill 其實係5隻貓貓既名，佢地既兩位主人係名副其實既癲人...傻到連自己d貓既名都玩得一餐，haha!
呢首<下個密碼>....尋日我切好d chords, 依家可以邊彈邊唱....好開心架，每次自己或者同其他鍾意玩guitar既朋友一齊切chords，完成jor之後都好有滿足感, heeeeeeee....... 有時我諗，人越大係好多野要兼顧，但係有機會既話最好develop下d hobbies，冇話太忙就咪徙時間搞d無謂野。事實上學多樣野，keep住做自己有興趣既野對心靈上係有益既，大家諗下佢啦....
講開guitar, 上個禮拜要補堂既關係，一次過上一個鐘。終於唔洗咁趕，成個鐘研究晒Beatles既 "Across the Universe" 既chords同melody, 最正係Jacob教jor我一個combine chords and melody既方法，叫做top note voicing!! 不過好難!! -__-"" 睇黎我勁練都有排先練得熟.... hmmm....
打打下突然見到窗外面個天, waaa!!! 好靚既粉紅藍色!!! 即刻影低佢........
<涼粥下季傳奇>上畫laaaaaaa.......
其實個comic畫好jor好耐，不過都係等到finish rocky mountains 個trip先至post上黎。如果你唔明乜野係涼粥唔緊要，就當佢係一碗粥咁理解....當然呢個comic既story line背後係有段故既....
係度想講好開心有咁多粒菇都鍾意呢個comic...我真係冇諗過有成幾十個feedback...你地令我繼續想畫多d comics同大家分享，多謝晒。=) 希望vic同佢妹仔有睇啦，不過我知佢地呢排忙到甩碌.... aiiiii...... 要頂住呀!!!
第一場
-------------------------------------------
冒名而來既蛙同學同鹿同學撲jor個空...
太子仔: (指住"馳名生菇涼粥"個牌)今朝一早賣晒喇!
第二場
-------------------------------------------
蛙同學: (正準備離去) 唉，地鐵搭jor十幾個站又轉火車先至黎到，點知都係食唔到....
鹿同學: 係咪真係咁好食架? 去迪士尼都唔洗咁耐車程啦....
常客C: 小朋友，你地講緊邊樣好唔好食呀?
蛙+鹿同學: 涼粥lorrr....老師話粥要熱先好食架，不過涼粥就...真係唔知好唔好食...
常客C: 咁你地食過火焰雪糕未呀?
蛙+鹿同學: 火+雪糕?? 點得架咁熱?? 老師話雪糕要雪凍先好食架!!!
常客C: 你地梗係好聽老師話架喇。
蛙同學: 咁你係咪老師黎架?
常客C: 唔係，我係校長!!!
蛙+鹿同學: OHHHHHH!!!! 咁我地兩個一定要聽晒佢話喇....校長勁過老師架...
常客C: (步入粥舖) 咁跟我入黎啦!!
蛙+鹿同學: 但係....我地淨係預夠錢食細窩涼粥ga ja....
第三場
-------------------------------------------
太子仔: 校長又黎(手奉)場...咦? 原來o個兩個小朋友係你既學生...
校長: 俾窩大既涼粥我呀唔該!
太子仔: 好既!
蛙+鹿同學: 點解架? 明明話賣晒既?! 蝦小朋友既...(唔開心)
校長: 我訂jor ma....唔預訂就好難有得食架喇....d涼粥有人一早買jor，之後抄高黎賣我都聽過...
鹿同學: 抄粉咩?!
校長: 我就寧願食第二樣都唔食牛黃粥喇...
蛙同學: 唔係呀，牛粥都好好味道架喎...
(等jor一陣)
太子仔: 校長，涼粥到! 就黎季尾喇，我地好快又上白蛇青蛇羹...
校長: 白蛇青蛇羹?! 得唔得架?? 我都係至信得過英師傅主理既涼粥... 同學, 食啦，唔洗同我客氣，校長請!
蛙+鹿同學: 真架? 校長好豪呀!
校長: 坐穩d先好食第一啖呀!!!
蛙+鹿同學: 下? (校長未講完佢地已經將匙羹放jor入口)
(一柱光由碗涼粥射出)
蛙+鹿同學: Wahhhhhhhhhhh.....太太太(10萬個)好味喇!!!!!! 我地要返去話俾老師聽!!
校長: 我記得第一次食既時侯同你地依家差唔多....我好似置身係一座青山上，有蝴蝶飛舞....好詩情畫意.... horhorhor
蛙+鹿同學: d粥涼得黎又唔怕"傑"，又有好香既菇味....好似仲有d料喎，不過我講唔出係乜黎既...
校長: 果然有d天份呀! 等我開估啦! d粥除jor菇之外，仲有椰絲，薯絲!!!
第四場
-------------------------------------------
校長: 俗語有云: 椰絲和薯絲，怎能烹合如此。
我就要打破呢個傳統既觀念!!
(英師傅出場)
英師傅: 真係令人感動....上一季當全世界都認為椰絲同薯絲係冇可能放埋一齊黎煮既時侯, 有幸得到校長支持我繼續研究，終於俾我研製出呢個<野生草菇椰絲薯絲涼粥>。依家得到大家既認同，我真係無以為報....
唔記得講，我要係度多謝廚房既李姑娘幫我睇火，牛王叔幫我洗碗，仲有琦姐係咁硬賣d涼粥俾d客食.... (流淚中)
蛙+鹿同學: 原來背後有個咁辛酸既故事...咁，下一季既涼粥會唔會有突破架?
太子仔: 咁呢個就要等英師傅同校長再研究研究喇。
蛙+鹿同學: 既然椰絲同薯絲都得到大家認同，咁下季應該公開用全名啦，佢地先係主角嘛!!
Rocky Mountains 之旅 -- 生果篇
第四日喇，亦係最後一日，我地朝早駛往Okanagan，下午就回程返Vancouver。 Okanagan以盛產水果著名，我地先參觀Jammery果醬園，個度門市賣既當然唔少得自家出品既jam...平時supermarket見到既不外乎strawberry, orange, apricot, grape, raspberry味，而Jammery既品種就多成十幾倍!!! Apple jam, plum jam，淨係berry類都有十款以上! 又有分低糖，無糖，而最特別既莫過於Jalapeno jelly! Jalepeno 加lime, cranberry 或pineapple製成既jam味道好特別，又辣又甜! 另外仲有lavendar jam，總之出乎你意料之外!! 
wanna try try???
去完Jammery，就梗係要參觀下真正既果園啦....我地去jor Kelowna orchard,坐稻草車o係果園中穿插... 行下行下見到por蘋果樹d apples全部俾袋裝住晒，點解呢?? 原來個d係special order 既fuji apples....包住jor既apples因為冇同陽光直接接觸，所以skin係淺黃色既，咁為jor d special occasions例如 wedding, conference, promotion，呢個果園就offer tatooed apples，咁即係乜?? ok, 先o係淺黃色既apples上面貼上tatoo (with couples' names, company's name), 再將apples suntan幾日，咁non-tatooed area變番紅色，但tatooed area依舊淺黃色，咁apples咪好似有個tatoo咁lor! d人真係有生意頭腦，我諗我唔會捨得食lorrrrr.....
the apple guy explaining to us about the special order apples...
仲有邊度同水果有關但又未參觀呢? 好high class既，haha! 就係酒廠! 我地試jor apple ice wine and grape ice wine! 前者尤其難得一嘗，好似話全加拿大得佢地有apple ice wine ja wor....
差唔多中午時份，我地o係Kelowna著名既水怪湖(Ogopogo Lake)停低食lunch，相傳湖底有隻好似條綠色大蛇既水怪....
咁樣就4日喇...快樂不知時日過，呢個旅程當然開心啦! 最好彩係4日都好好天，到我地回程時先開始落雨，睇下d雲咁低就知啦!
如果第日你地黎Vancouver玩，就一定唔好錯過去Rocky mountains玩番轉，o個度真係一個好值得去既地方黎架!!!
